„Несебичното служење е највеличествениот пат кон Бога“.
Сатја Саи Баба, Светска Младинска Конференција, 19.07.1997

Исус ни порача:
„Она што сте го направиле и на најмалиот од моите браќа, сте ми ги направиле мене“.

Сева е љубов на дело со чист мотив, Божја љубов, којашто може да се види и почувствува во целата нејзина полнотија. Кога на гладното дете ќе му дадете млеко, или пак на оној што смрзнува на улица му подарите ќебе, не е ништо друго туку давање божествен подарок на друг божествен подарок! Вие давате подарок на друг божествен принцип! Бог е оној кој служи, но ви дозволува да кажете, дека вие служите!
„Сатја Саи Баба Говори“ - том 7, стр. 46 (Бомбај, 18.05.1969)

Бог преку нас дејствува во креацијата, тој ги користи нашите срца и раце, коишто мораат да бидат чисти за да ги вршат божествените дела. Најдобар начин за нивно прочистување е правењето сева.

„Служењето во сите негови облици најпрво е садана, духовна дисциплина, духовно прочистување и чистење. Без оваа инспирација и без овој мотив, желбата да им се служи на ближните би можела да се претвори во возгордеаност“.
Сатја Саи Баба, Откриј го изворот на Блаженоста

Секому му е исклучително тешко „несебично“ да служи; значи да служи без притоа да се фиксира на плодовите од неговите дела и ним да им ги препушти на Бог. Сатја Саи подучува:
„Секој човек треба да се труди да служи без мислите да ги троши на плодовите од неговата работа“.

Бог им служи на луѓето. Тој ни дозволува да искусиме што навистина значи несебичното служење - богослужба. Служењето не е „понижувачката“ форма од она што го работиме, туку тоа е највозвишениот облик на нашата човечка природа, израз на нашата внатрешна Божественост, нашето вистинско битие.
Саи Баба му служи на светот. Неговата често повторувана порака до нас е: "My life is my message". Мојот живот е мојата порака. Преку служењето со текот на времето го откриваме Бог во секого; тоа е патот кон искуство со Бог во секојдневиот живот.

Саи Баба постојано не потсетува, дека не треба залудно да трошиме ниту еден миг од времето, зашто времето е Бог. „Одете полни со верба, со чисто срце и непоколеблив дух по патот на несебичното служење. Првиот чекор е зајакнувањето на вербата“.
Сатја Саи Баба, Откриј го изворот на Блаженоста.

Несебичното служење (сева) ги надминува границите на социјалната работа. Квантитетот на направената сева и промената на животните услови на луѓето, на кои им служиме, не се мотивот или целта на нашите заложби. Севата е внатрешно доживување, коешто е насочено кон тоа, низ сето она што го правиме да се исполнува Божјата волја. Затоа треба да се ослободиме од егоистичните потреби и целосно да се насочиме кон Божјиот глас. Притоа од голема помош можат да бидат повторувањето на Божјото име за време на служењето или молитва којашто излегува директно од срцето.

Севата е клучот за надминување на ставот „Јас“ и „Мое“. Севата ни ја подарува свесноста за единството, поврзаноста со Бог. На Запад постои тенденција за трупање материјални богатства, за разлика од источниот свет, каде што традицијата акцентот го става на духовните вредности.
Групите и центрите од Македонската Сатја Саи Организација прават проекти за помош на оние на кои таа им е најпотребна (бегалски кризи, социјални случаи, дружење со деца без родители, зачувување на животната средина и сл.).
Досега Сева крилото организираше повеќе хуманитарни акции. Поголеми беа акциите за снабдување со храна, облека и средства за хигиена на бегалците од Косово и акциите за посета и дружење на старите и изнемоштени лица во Геронтолошкиот завод - 13 Ноември (фотографии):

- Членови на Саи Организацијата спроведуваат сева хуманитарни проекти -

Но, Саи Баба исто така ни вели, дека пред се, мораме да служиме во потесното семејство. Кога ќе ги завршиме сите должности во семејството можеме да служиме и во општеството. Севата пред се значи, подготвеност за да се изврши обврската што ни е дадена. Со оваа подготвеност расте и позитивната енергија за дејствување за развој на општеството.

За да го отворите сајтот на Сева Крилото на Светската Саи Организација кликнете тука...