Во светот на програмата „Образование за човечките вредности – ОЧВ“ се имаат случено многу интересни настани од нејзиниот официјален старт пред повеќе од четири децении. Конференцијата што се одржа на Универзитетот Зајед во Дубаи, Обединетите Арапски Емирати беше голем настан. Особено поради тоа што беше одржана под патронат на министерот за образование на ОАЕ, шекот Нахјан бин Мубарак Ал Нахјан. Неочекувано шеикот Нахјан го посети ашрамот во Прашанти Нилајам за да го добие даршанот на Баба на 28 август 2005. Свами го благослови со приватен состанок, којшто траеше повеќе од еден час во собата за интервју.

Шеикот пристигнува во Прашанти Нилајам (слика лево).
Багаван Баба и шеикот во собата за интервју (слика десно)

Краток осврт на конференцијата за ОЧВ во Дубаи

За конференцијата во тоа време (февруари, 2005) во Дубаи известуваа повеќе медиуми на англиски и урду. Подолу извадок од весникот „Калиџ Тајмс“.

„Калиџ Тајмс“ напиша:
„Конференцијата за Образованието за човечките вредности под патронат на шеикот Нахјан бин Мубарак Ал Нахјан, министер за образование и претседател на Универзитетот Зајед, се одржа вчера во универзитетскиот кампус. (26 февруари, 2005)

Во поздравниот говор шеикот Нахјан рече: „Оваа конференција за ОЧВ посочува на тоа како образованието на младите луѓе може да ги шири вредностите како што е мирот, вистината и ненасилството. Овие вредности се исто така јадрото на визијата на нашата земја за нејзините сегашност и иднина ... Денеска на оваа конференција ќе имате можност да размислувате за тоа како училиштата, факултетите, персоналот и наставните програми можат да ги подготват студентите да ги разберат и да ги променат овие универзални човечки вредности како основа на нивниот морал, работа и исполнетост на животот.“

Претставувајќи го трудот „Преглед на програмата за Образование за човечките вредности“, Анџела Лорен Бероуз, меѓународен инструктор за ОЧВ рече: „Живееме во свет на огромни научни и технички промени. Откритијата во медицината и науката и напредокот на компјутерската индустрија го трансформираа животот на милиони луѓе на Земјата. И покрај овој развој, мораме да се запрашаме: ’Дали сме стигнале поблизу до создавање мирни и хармонични општества, коишто треба да им ги оставиме во наследство на нашите деца?’ Одговорот е ’не’. Постои криминал и насилство како никогаш досега.“

Таа додаде дека ОЧВ е програма којашто треба од децата да ги извлече вредностите. „Учењето треба да биде радосно и возбудливо искуство, патувања и истражувања“ – нагласи Анџела Лорен Бероуз.

На конференцијата присуствуваа и регионалниот координатор за Средниот Исток и заливските земји на САИ групата и претседател на ЏиБи групата на компании, Чоитрам Џетвани, директорот на Институтот за Саи Образование, Банкок и директор на Саи Училиштетот, Лодпури, Тајланд, д-р Џумсаи; индискиот генерален конзул Јеш Синха, професори, академици и студенти од повеќе земји од регионот.